Kabsan sa hinulamang kinabuhi ang usa ka 55-anyos nga motorista human kini malambigit sa usa ka aksidente sa dalan niadtong Abril 18, 2026, pasado alas 6:15 sa gabii.
Nahitabo ang insidente sa Maramag–Wao Road, partikular sa Purok 6, Barangay Lantay, Pangantucan, Bukidnon.
Sumala sa report, ang biktima nga residente ra usab sa maong dapit, nagbiyahe gikan sa Poblacion, Pangantucan paingon na matud pa pauli sa Barangay Lantay.
Apan pag-abot sa maong bahin sa kalsada, nawad-an kini og kontrol hinungdan nga na-overshot sa outer lane ug kusog nga nibangga sa usa ka concrete barrier.
Dali pa nga girespondehan sa mga personahe sa MDRRMO ang biktima ug gidala sa Pangantucan Medical Hospital, apan gideklara kining Dead on Arrival (DOA) sa mga doktor.