Giduso na sa korte ang kasong paglapas sa RA 9165 kon pagpayuhot sa ginadiling druga batok sa suspek nga nasikop atol sa drug buy-bust operation alas 10:33 sa gabie niadtong milabayng adlaw sa Purok 2, Barangay Pinatilan, Valencia City, Bukidnon.
Ang dinakpan nailang si alyas Bensoy, 26 anyos, adunay live-in partner, laborer ug residente sa nahisgutang lugar.
Narekober sa posisyon sa suspek ang unom ka pakete sa gituohang shabu, coin purse nga gisudlan sa shabu, 500 pesos nga buy bust money, usa ka unit sa cellular phone ug usa ka unit sa motorsiklo.
Ang nasakmit nga shabu gibana-banaang mutimbang sa 25.6 gramos ug adunay standard drug price nga ₱174,080.
Sa pagkakaron, temporaryon gikustodiya sa Valencia City Police Station ang nasangpit nga dinakpan.