Posibleng ideklara nang insurgency-free ang Bukidnon human sa malampusong pagkabungkag sa nahibiling miyembro sa walhong grupo, lakip na ang pagkamatay sa usa sa mga high-ranking nga miyembro niini nga giilang si Julia Cagadas, alyas “Rheda.”
Gibutyag ni 403rd Infantry Brigade Commander Brigadier General Seigfred Tubalado atol sa press conference sa Malaybalay City niadtong Dominggo, Septiyembre 13, nga si Rheda na lamang ang nahibiling taas nga lider sa NPA nga dugay nang gipangita sa militar sulod sa ilang area of responsibility.
Sumala niini, gitakdang karong Septyembre 2026 ang deadline alang sa hingpit nga pagwagtang sa hulga sa maong lider, apan sa wala pa natapos ang bulan, malampuson nang nahimo ang serye sa operasyon ug engkwentro sa militar.
Dugang pa sa opisyal nga maong kalampusan mao na lamang ang gihulatan aron hingpit nga madeklarang insurgency free ang probinsiya sa Bukidnon.