Dili tanan senior citizens sa Malaybalay City kwalipikado sa pension sa lokal nga panggamhanan tungod gitakda matud pa kini alang lamang sa mga nag-edad og 70 hangtod 89 anyos.
Matud ni Malaybalay City Mayor Jay Warren Pabillaran, P300 matag bulan ang pension sa mga senior nga 70 hangtod 89 anyos, samtang P1,000 matag bulan alang sa mga nag-edad og 90 anyos pataas.
Ang pension sa siyudad madawat matag quarter, diin mokabat og P900 ang madawat sa 70 hangtod 89 anyos, samtang adunay laing programa usab sa national government alang sa mga kwalipikadong senior citizens.
Gibanabana sa mayor nga mokabat sa P23 milyon hangtod P24 milyon ang gigahin sa city government alang sa pension sa mga senior citizens.
Samtang, gipahayag sa mayor nga posibleng madugangan ang kantidad o mapaubos ang edad sa kwalipikado sa umaabot, apan mag-agad kini sa kapasidad sa annual budget ug pag-apruba sa Sangguniang Panlungsod.