Presyo sa pipila sa batakang  palaliton, gilauman nga mosaka 

Posibleng mapugos ang grupo sa mga negosyante sa nasud nga mopataas sa presyo sa ilang mga produkto tungod sa padayong pagsaka sa presyo sa produktong petrolyo.

Matud ni Steven Cua, Executive Director sa Philippine Amalgamated Supermarkets Association, daghan na usab nga mga negosyante ang nagreklamo tungod sa mahal nga gasto sa transportasyon sa ilang mga produkto.

Lakip sa ilang nakita nga mga hinungdan niini mao ang padayong pagsamot sa gubat sa Middle East, ingon man ang pagkahuyang sa Peso batok sa dolyar.

Andam usab ang grupo nga makigpulong sa Department of Trade and Industry o DTI bahin sa ilang plano nga pagpataas sa presyo sa ilang mga baligya.