Presyo sa krudo, mikunhod human subling gibuksan sa Iran ang Strait of Hormuz

Mikunhod ang presyo sa krudo ngadto sa $88 matag bariles gikan sa kapin $98 human gipahibalo sa Iran nga “completely open” na ang Strait of Hormuz para sa mga commercial ships samtang nagpadayon ang ceasefire sa rehiyon.

Tungod dul-an 20% sa lana sa kalibutan moagi sa maong ruta, ang maong kalamboan naghatag og kadasig sa stock markets sa Amerika ug Europa, bisan pa man kung nisaka ang presyo kaniadto sa kapin $119 gumikan sa tensyon sa Iran ug Israel.

Bisan pa niini, nagpabiling mabinantayon ang pipila ka shipping companies ug mga analyst tungod mahimo pa nga mausab ang presyo sa lana hangtod nga dili pa hingpit nga lig-on ang seguridad sa maong dapit.