Nakahatag na sa iyang mail-in ballot si Pope Leo XIV alang sa umaabot nga midterm elections sa Estados Unidos, sumala sa gipahibalo sa Vatican kagahapong adlawa.
Base sa kasaysayan, siya ang unang Santo Papa nga nakigbahin sa eleksyon sa Amerika samtang nagpadayon ang iyang pagkapuno sa Simbahang Katolika.
Matud sa Vatican, nagtuo ang Santo Papa nga katungod ug responsibilidad sa matag lungsoranon ang pag-apil sa demokratikong proseso.
Sumala sa opisyal nga mga rekord, rehistrado kini isip botante sa New Lenox, Chicago, diin mibotar usab siya sa 2024 US presidential elections.
Gilauman nga apil sa iyang balota ang mga kandidato sa Senado, pagka-gobernador, House of Representatives ug mga lokal nga posisyon sa Illinois.
Bisan pa nga pangulo siya sa Vatican, nagpabilin siyang US citizen ug adunay katungod nga mobotar sa eleksyon.