Talagsaon nga koleksyon sa musika ang natigom sa 67-anyos nga si Andrew Wales sa London, diin kapin sa 10,000 ka compact discs o CD ang iyang gitipigan sulod sa iyang balay.
Matud ni Andrew, mas gipaboran niini ang pagpaminaw og musika pinaagi sa CD tandi streaming platforms sama sa Spotify tungod kay mas naanad siya sa pisikal nga mga kopya sa kanta.
Mas sayon usab kini tipigan kay dili sama kadako og luna ang gikinahanglan kumpara sa vinyl records.
Nagsugod ang iyang pagkolekta niadtong 1991, dungan sa pagpalit niya sa iyang unang CD player.
Mas nakadani kaniya ang kalidad sa tunog ug ang pipila ka mga kanta nga makita sa CD apan wala sa vinyl album.
Dugang sa iyang liboan ka CD, aduna usab siyay duolan sa 2,000 ka vinyl records, gatusang cassette tapes ug nagkadakong koleksyon sa Blu-ray discs.