Mukabat sa P7.3 milyon ang kantidad sa illegal nga droga nga nakumpiska sa Police Regional Office 10 sulod lamang sa 24 oras nga anti-illegal drug operations nga gihimo sa Cagayan de Oro City ug Iligan City.
Nakumpiska ang P6.8 milyon gikan sa usa ka residente sa Libona, Bukidnon, nga alyas “Madam,” 35 anyos, nga giila isip drug pusher ug courier.
Sa sunod nga buy-bust operation sa Brgy. Nazareth, Cagayan de Oro City, nadakpan ang mag-ig-agaw nga alyas “Rolly,” 30 anyos, ug “Berto,” 18 anyos, nga nakuhaan og 25 gramos nga gituohang shabu nga nagkantidad og P170,000.
Sa laing operasyon sa Iligan City, nadakpan usab si alyas “Geloy,” 31 anyos, usa ka government employee, human makuhaan sa iyang pinuy-anan og 60 gramos nga gituohang shabu nga nagkantidad og P408,000.
Ang tanang suspek anaa na karon sa kustodiya sa kapulisan, samtang giandam na ang mga kasong paglapas sa Comprehensive Dangerous Drugs Act of 2002 batok kanila.
Kini nga operasyon gipahigayon niadtong Disyembre 19 hangtod kagahapong adlawa, Disyembre 20, 2025,