Opisyal nga giila sa Guinness World Records ang usa ka puting kalapati nga ginganlan og “Sugar” isip pianakatigulang nga kalapati sa tibuok kalibutan. Kini human nakaabot sa talagsaong edad nga 44 ka tuig.
Si Sugar makaplagan sa estado sa Missouri sa United States. Kasagaran, ang kalapati molungtad lamang og mga 20 ka tuig, apan doble ang naabot nga edad ni Sugar.
Gipanganak kini niadtong June 23, 1981, ug iyang gigahin ang tibuok kinabuhi uban sa iyang 77-anyos nga tag-iya nga si Dewayne Orender.
Sumala kang Orender, kanunay silang magtan-aw og telebisyon ug maminaw og musika nga magkauban, ug giisip niini si Sugar nga iyang suod nga higala.
Matud pa, sa dihang naospital si Orender ug napalayo sa pipila ka adlaw, namatikdan sa iyang inahan nga halos dili mokaon si Sugar ug pirmi lamang kini naghigda sa hawla tungod sa kasubo samtang naghulat sa iyangagalon.
Apan sa dihang nakabalik si Orender, mibalik usab ang kusog ni Sugar ug mibawi kini sa pagkaon.
Base sa record nalabwan ni Sugar ang naunang rekord nga kapin 15 ka tuig. Bisan pa niini, naglaum gihapon si Orender nga makaabot pa unta si Suagr sa edad nga 50 aron selebrarhon kini nga mas mahinungdanon.