Gihulagway ang sitwasyon karon sa Pilipinas nga nabiyaan na ang nasud itandi sa uban nga mga kauban sa ASEAN tungod sa daghang hinungdan nga nakaapekto sa ekonomiya, pamuhunan, ug kompetitibidad.
Bisan kaniadto giisip ang Pilipinas nga lider sa rehiyon, karon naapsan na kini sa mga nasud sama sa Singapore, Malaysia, Indonesia, ug Thailand sa aspeto sa foreign direct investments, political stability, ug ease of doing business.
Sa eksklusibong pakighinabi sa Bombo Radyo Malaybalay kang Ray Talimio Jr., Former Oro Chamber Economic Development Committee RDC-X, gibutyag niini nga usa sa mga hinungdan sa maong sitwasyon ang dili stable nga polisiya sa buhis ug regulasyon, sama sa Create More Law, nga miresulta sa pipila ka investors nga mibiya.
Dugang pa, ang taas nga presyo sa kuryente tungod sa sobra nga pagdepende sa fossil fuels ug ang langay nga proseso sa pagkuha og permit nakapaluya sa competitiveness sa nasud.
Ang Department of Energy gilauman nga mapataas ang bahin sa renewable energy sa 35% pagsugod sa 2030 ug 50-50 ratio pag-abot sa 2040, apan gihulagway kini nga kulang sa konkretong aksyon sa tunga sa kasamtangang krisis sa lana.
Ang kombinasyon sa political instability, inefficient bureaucracy, ug taas nga gasto sa enerhiya mao ang hinungdan nga ang Pilipinas hinay ang progreso itandi sa uban nga ASEAN countries.