Gibutyag ni Senadora Pia Cayetano nga gibabagan siya ni Interior Secretary Jonvic Remulla aron dili makasulod sa session hall sa Senado diin gihimo ang imbestigasyon sa Senate Blue Ribbon Committee bahin sa mga giingong maanomalyang flood control projects.
Sa pikas bahin, gihimakak ni Department of the Interior and Local Government Secretary Jonvic Remulla ang pasangil nga iyang gibabagan sila Senadora Pia Cayetano, Senador Robin Padilla, ug ang 18 ka kanhing sundalo sa pagsulod sa Senado atol sa Blue Ribbon Committee hearing kalabot sa giimbestigahang mga flood control projects.
Matod ni Remulla, paingon na unta siya paggawas sa Senado sa dihang nahitabo ang engkwentro sa mga resource person, ug gipasiugda niya nga wala siyay tuyo ni intensiyon nga mopugong sa ilang pagsulod.
Klaro usab niya nga wala siyay kaubang security personnel ug wala’y direktiba nga magbabag sa maong grupo.