Gibarugan sa Palasyo sa Malacañang nga legal ug adunay quorum ang nahitabo nga sesyon sa Senado diin gipili ang bag-ong liderato, ug giingon nga walay nalapas sa Konstitusyon ang maong proseso.
Matud ni Palace Press Officer Usec. Claire Castro, gigamit sa Palasyo ang jurisprudence sa makasaysayang kaso nga Avelino vs. Cuenco isip basehan sa pag-ila sa quorum, diin ang mga senador nga wala maabot o dili “coercive reach” sama sa mga gidetener o wala mahibawi ang lokasyon gi-exclude sa total nga ihap sa mga miyembro sa Senado.
Tungod niini, ang basehan sa quorum miubos ngadto sa 22 ka senador, ug ang 12 ka senador giisip nga igo na aron makabuo og majority ug makapadayon sa sesyon.
Matud ni Castro, walay gahum ang Gabinete sa pagpasaka o pag-dismiss sa kaso, kay ang Ombudsman ug DOJ ra ang may hurisdiksyon niini.