Gipalig-on sa Philippine Coast Guard ang search and rescue operations alang sa mga nangawala nga pasahero sa naunlod nga MV Trishia Kerstin 3 sa katubigan sakop sa Basilan.
Sumala sa Philippine Coast Guard, nag-deploy na sila og technical divers ug Remotely Operated Vehicle (ROV) aron masusi ang lawom ug delikadong bahin sa dagat.
Ang mga divers nagpatigayon og underwater search sa mga giila nga lugar, samtang ang ROV gigamit alang sa deep water inspections ug sa mga lugar nga delikado sudlan sa tawo.
Pinaagi sa modernong teknolohiya, mas luwas ug mas epektibo nga napadayon sa PCG ang operasyon bisan pa sa limitadong visibility ug lisod nga kondisyon sa dagat.
Ang datos nga makuha gikan sa ROV naghatag og importanteng visual nga impormasyon aron masuportahan ang padayon nga search and rescue mission.
Ang maong lakang gisunod sa direktiba ni Presidente Ferdinand “Bongbong” Marcos Jr. ug sa Department of Transportation, samtang gipasiguro sa Philippine Coast Guard nga gamiton nila ang tanang kahanas ug resources aron unahon ang kaluwasan sa kinabuhi ug mapanalipdan ang maritime domain sa nasud.