PBBM, gipasalig ang pagpauli ni Zaldy Co gikan sa Czech Republic pinaagi sa ‘Due Process’

Gipasalig ni Presidente Ferdinand “Bongbong” Marcos Jr. nga  paulion niini sa Pilipinas ang kanhi magbabalaod nga si Zaldy Co subay sa gilatid nga balaod.

Gibutyag sa Presidente nga sa pagkakaron, si Co anaa sa kustodiya sa mga awtoridad sa Czech Republic, ug gipaniguro sa Presidente nga ang pagbalik niini sa nasud pagahimoon pinaagi sa husto nga proseso.

Tungod niini, gimandoan na ni Marcos ang Department of Justice (DOJ) ug ang Department of Foreign Affairs (DFA) nga maoy mangulo sa pagsiguro nga masunod ang tanang legal nga rekisitos.

Dugang pa nga mas gitutokan pa sa administrasyon ang pagpa-uli kang Zaldy Co ug mapatuman ang “due process” samtang gihan-ay ang pagbalik ni Co aron moatubang sa iyang mga obligasyon sa Pilipinas.