Madriaga posibleng mahimong state witness sa impeachment case batok ni VP Sara

Nagtuo si Atty. Domingo Cayosa, kanhi presidente sa Integrated Bar of the Philippines  IBP, nga mahimong “state witness” si Ramil Madriaga sa impeachment case batok kang Vice President Sara Duterte.

Sumala ni Cayosa, kwalipikado si Madriaga ubos sa balaod tungod kay nagsilbi lang kini nga tighatod ug dili maoy utok sa giingong ilegal nga paggamit sa pondo.

Sa pagdungog sa Kamara niadtong Abril 14, gipahayag ni Madriaga nga personal niyang gihatod ang P125 milyones ngadto sa tulo ka dapit sulod lang sa 24 oras ubos sa sugo ni Duterte.

Gihimakak usab kini sa kampo ni Duterte pinaagi ni Atty. Salvador Paolo Panelo Jr., kinsa nag-ingon nga walay lig-ong ebidensya si Madriaga ug puros lang kini base sa “cash transactions” nga walay dokumento.