Gisugyot sa Sangguniang Panlungsod sa Valencia ang pagpahigayon og safety awareness seminar alang sa mga empleyado sa lokal nga kagamhanan nga adunay lisensyadong armas.
Atol sa ika-55 nga regular session sa 10th Sangguniang Panlungsod niadtong September 21, gisugyot ni Councilor Totong Sistoso nga ang Human Resource Office, pinaagi sa opisina ni Mayor Azucena “Amie” Galario, maoy manguna sa pag-organisar sa maong oryentasyon.
Matud ni Sistoso, importante nga mapahinumdoman ang mga gun owner sa husto nga pagdala, paggamit ug pagtipig sa ilang mga armas aron malikayan ang aksidente o sayop nga paggamit niini.
Gisgutan usab ang kahinungdanon sa luwas nga pagtipig sa armas aron dili kini maabot sa mga bata o ubang dili awtorisadong tawo.
Gipangatarungan ang maong sugyot tungod sa mga kabalaka nga may kalabotan sa mga shooting incident sa pipila ka tunghaan diin nalambigit ang mga armas nga gipanag-iya sa mga government employee.
Gisuportahan sa 14 ka miyembro sa City Council ang maong lakang isip paagi sa pagpalig-on sa kahibalo ug responsibilidad sa mga empleyado sa hustong pag-atiman sa ilang mga armas.