Padayon ang kampanya sa Police Regional Office 10 batok sa kriminalidad ug nagkadaiyang ilegal nga kalihukan sa Northern Mindanao.
Matud ni Police Major Joann Navarro, tigpamaba sa PRO-10, hugot nga gipahimangnoan sa kapulisan ang mga licensed gun holders sa ilang responsibilidad sa hustong pagtipig ug pagdumala sa armas, ilabina aron malikayan nga maabot kini sa dili awtorisadong mga kamot.
Gipasidaan ang responsableng pagpanag-iya sa pusil, lakip na ang hustong pagtipig ug pagdumala niini aron malikayan ang aksidente ug sayop nga paggamit sa armas.
Nunot niini, gipasalig sa kapulisan nga nagpabiling malinawon ug hapsay ang kahimtang sa rehiyon, bisan pa sa padayong pag-atubang sa mga isyu sama sa smuggling, illegal mining, illegal gambling ug mga krimen nga nalambigit sa armas.
Gipunting usab niini ang strategic nga lokasyon sa Mindanao isip usa sa mga hagit sa pagmonitor ug pagpugong sa mga ilegal nga kalihukan, ilabina sa mga lugar nga konektado sa kasadpan, sidlakan ug habagatang bahin sa Nortern Mindanao.