Hingpit nga gipanghimakak ni Pangulong Ferdinand “Bongbong” Marcos Jr. ang mga alegasyon nga ang Pilipinas usa kunong puppet state o sunod-sunoran sa Estados Unidos.
Sa iyang pamahayag, gipasabot sa Pangulo nga ang relasyon sa Pilipinas ug U.S. nakabase sa patas nga panag-uban, pagtahod, ug tinabangay nga interes, ug dili kini nagpasabot nga kontrolado ang nasud sa Estados Unidos.
Matud ni Marcos, ang Pilipinas nagpabiling gawasnon ug adunay kaugalingong baruganan sa paghimo og mga desisyon kabahin sa seguridad, diplomasiya, ug mga isyung giatubang.
Gibug-atan usab niya nga ang tanang lihok sa gobyerno gihimo alang sa kaayohan sa katawhang Pilipino nga dili diktado ubang nasud.exchange u uban pang kasabutan kabahin sa kalambuan sa duha ka nasud sigon sa presidente.
Ang maong pamahayag tubag sa mga pagduhaduha ug alegasyon sa pipila ka grupo nga nag-ingon nga sobra kunong nagsalig ang Pilipinas sa U.S., ilabina sa aspeto sa depensa ug militar.
Gipasalig ni Marcos nga ang panaghiusa ug panag-uban sa ubang mga nasud lakip ang Estados Unidos, kabahin sa mas lapad nga tumong sa goberno nga mapreserba ang kalinaw, kalambuan, ug seguridad sa rehiyon.