Palaro star Baterbonia  sa DAVRAA ug kauban nga varsity sa Ateneo nalumos-patay sa Aurora

Gikumpirma sa Ateneo de Manila University ang kalit ug makasubong pagpanaw sa duha ka magduduwa sa Men’s Basketball Team human nalumos sa gipahigayon nga team-building activity sa Dipaculao, Aurora, kaganihang udto, Hunyo 8.

Ang mga biktima giila nga silang Rene Clert Baterbonia, ang sikat nga kanhi Palaro Basketball Star Player gikan sa Davao Region o DAVRAA, uban sa iyang kaubang student-athlete nga si Divine Adili. Sa usa ka opisyal nga pamahayag, nagpaabot og lawom nga pahasubo ang unibersidad ngadto sa pamilya, mga kauban sa team, ug mga coach sa duha ka batan-ong magduduwa, dungan sa panawagan og mga pag-ampo gikan sa tibuok komunidad taliwala sa maong dakong trahedya nga mibakho sa kalibutan sa paugnat sa kusog.