Painting nga napalit sa kantidad $30, posibleng mabaligya og $250,000

Usa ka painting nga napalit lang og $30 o kapin P1,800 sa estate sale sa Michigan, USA, posibleng mabaligya og $250,000 o kapin P15 milyon human makumpirmang obra kini sa surrealist artist nga si Gertrude Abercrombie.

Ang painting nga “Alderman Merriam’s Shells” napalit sa usa ka treasure hunter nga nakamatikod sa pirma ug petsang “Abercrombie, ’51.” Gikumpirma sa art historian nga si Susan Weininger nga authentic kini ug gihimo ni Abercrombie niadtong 1951.

Gihatag matud pa sa artist ang obra isip bayad sa medical procedure niadtong 1952 ug nagpabilin sa pamilya sa nakadawat sulod sa mga 75 ka tuig.

Karon, ipasuta na kini sa Freeman’s auction house.