Gipadayag sa usa ka legal expert nga gisakyan sa pipila ka negosyante ang pagsaka sa presyo sa lana, nga nakaapekto na sa ekonomiya ug sa adlaw-adlaw nga gasto sa mga Pilipino.
Sa pakighinabi sa Bombo Radyo Malayabalay kay Atty. Proculo T. Sarmen, usa ka legal expert na bisan pa adunay reserba pa sa suplay sa lana sulod sa pipila ka adlaw, gipataas na sa ubang negosyante ang presyo nga posibleng nagpasabot og profiteering. Giingon niya nga dapat kini bantayan ug kontrolon sa gobyerno aron mapugngan ang pagsamot sa presyo sa pamasahi, kuryente ug mga batakang palaliton.
Gipasabot usab nga ang State of National Energy Emergency usa ka pamaagi aron mapaspas ang aksyon sa gobyerno sa pag-atubang sa krisis sa enerhiya, apil na ang pagpangita og alternatibong suplay sa lana ug paggamit sa emergency powers aron maprotektahan ang katawhan.