Human sa ika tulong hugna sa pagboto sa mga cardinal nga gipahigayon sa St Peter’s Basilica gi anunsyo ang bag ong santo papa nga mihulip ni kanhi Pope Francis.
Giilang bag ong Santo Papa sa simbahang katolika si Cardinal Robert Francis Prevost, usa ka misyonaryo nga natawo sa Chicago, Illinois,naggamit sa ngalan nga Pope Leo (14) XIV. Siya ang pinaka-unang Amerikano nga nahimong Santo Papa sa kasaysayan sa simbahang katolika.
Ang iyang pagkapili gipahibalo human migawas ang puti nga aso gikan sa chimney sa Sistine Chapel, nga nagpasabot nga ang conclave sa 133 ka kardinal nakab-ot ang gikinahanglan nga â…” votes. Si Pope Leo XIV, nga 69 anyos, missionary sa daghang bahin sa iyang ministeryo sa Peru,Ang iyang pagpili nagtimaan sa usa ka makasaysayanong lakang alang sa Simbahang Katolika, nga nagpasabot sa pagdawat ug pag-apil sa mga lider gikan sa nagkalain-laing mga kultura ug nasud.
Ang pagkapili ni Pope Leo XIV nagpasabot usab sa paghatag og dako nga pagtagad sa mga misyonaryo ug sa mga komunidad nga nagkinahanglan, nga nagpakita sa iyang dedikasyon sa serbisyo ug pagkahumok sa kasingkasing.
Human sa pagpa kita niini sa publiko isip bag-ong Santo Papa gihigayon gilayon ang pag hatag niini ug mensahe sa katawhan.Atol sa Urbi Et Orbi kon to the city and to the world gibendisyunan ni Pope Leo XIV ang mga tawong naghulat nga masayran kung kinsa ang bag-ong Santo Papa ingon man ang tibook kalibutan diin sumala pa niini gihigugma kita sa Diyos,ug dili mulampos ang demonyo kay anaa kita sa kamot sa Diyos.Giawhag usab niini ang tanan nga maghiusa ug padayon nga muabante