Nagmugna ang Department of Social Welfare and Development (DSWD) og mga lakang aron padayon nga panalipdan ang mga drayber nga maoy gitan-aw nga labing apektado sa padayon nga pagsaka sa presyo sa lana.
Gikumpirma ni Roshiel M. Galia, Regional Information Officer sa Department of Social Welfare and Development Region 10, nga kasamtangan nang gihan-ay ang implementasyon sa Cash Relief Assistance alang sa mga driver nga apektado sa padayong pagsaka sa presyo sa lana.
Matud ni Galia, bisan tuod kon nasugdan na ang pagpanghatag sa maong ayuda sa Metro Manila, wala pa kini pormal nga nalusad sa tibuok Northern Mindanao.
Gipasalig usab niini nga aktibong nakig-alayon si Regional Director Mari-Flor Dollaga-Libang sa nasudnong buhatan aron mapadali ang pagpagawas sa pundo ug guidelines alang sa rehiyon.
Gidugang pa niini nga nagdepende pa ang psoibleng makadawat sa giandam nga ayuda diin gipasabot nga prayuridad lamang kadtong labing mga apektado busa dili mamahimong magbuhat og laking ang ilang buhatan samtang naghulat og mando gikan sa taas sa maong buhatan.