Hugot nga ginagukod sa banay sa militar ang mga nahibiling miyembro sa walhong grupo sa lalawigan sa Bukidnon.
Sa eksklusibong pakighinabi sa Bombo Radyo Malaybalay kang Lt. COL. Jeorge Jallorina, Commander sa 8th Infantry Battalion, gibutyag niini nga padayong ginalutos pinaagi sa paggukod sa pipila ka miyembro sa New People’s Army nga nakigsanib pwersa sa National Civilian-Military Reconciliation Commission (NCMRC), diin kahinumduman nga napatay ang opisyal sa Regional Operations Command niini nga si Alyas Tado niadtong bulan sa Pebrero tali sa engkwentro sa militar.
Gipaambit sa kasundalohan ang malampusong serye sa mga operasyon batok sa mga rebelde nga nagsugod sa Bukidnon hangtod sa Agusan del Sur ug padayon karon ang paggukod sa uban pang mga miyembro ug liderato sa maong grupo samtang gipakusgan ang seguridad sa mga utlanan sa rehiyon.
Gikumpirma sa opisyal nga gibana-banaang dose (12) na lamang ka miyembro ang nabilin sa North Central Mindanao Regional Committee (NCMR) nga padayong ginagukod sa kasundalohan.
Sumala niini, lakip sa maong ihap ang Secretary sa grupo ug ang Commander sa Headquarters Force LEO.
Sigon sa monitoring sa militar, wala na sa dapit sa Impasug-ong ug Malaybalay City ang maong mga rebelde kondili anaa na kini nagtagosa boundary sa Bukidnon ug Agusan del Sur.
Dugang pa niini nga tumong ug tinguha sa militar nga puohon ang walhong grupo aron hingpit nga ideklarang insurgency free probinsya sa Bukidnon.