Gipahayag ni Sentaor Alan Peter Cayetano ang padayong pag-ampo alang sa Pilipinas, samtang iyang gipahayag ang iyang paningkamot nga ipaglaban ang nasud ug ang mga Pilipino.
Sa iyang pahayag, giila sa senador nga nahimong personal ang pipila ka diskusyon, apan wala pa niya gipatin-aw ang iyang baruganan sa maong isyu.
Gipangagda usab niya ang publiko nga maghiusa sa pag-ampo matag alas-7 sa buntag o alas-7 sa gabii, pito ka adlaw matag semana, nga iyang gitawag og “7-7-7” nga pag-ampo.
Samtang, gipahayag sa senador ang iyang gugma sa Pilipinas ug determinasyon nga ipaglaban ang nasud ug ang katawhang Pilipino, bisan pa man sa mga kalisdanan nga iyang giatubang.
Gidugang pa niya nga bisan pa sa kakabus ug korapsyon sa nasud, nagtuo siya nga moabot ang panahon nga adunay solusyon sa mga problema sa Pilipinas.