Gisugdan na karong adlawa, Abril 23, 2026, ang implementasyon sa programang “Benteng Bigas Meron na sa Bukidnon” sa Kaamulan Open Theatre, Kaamulan Park, Malaybalay City.
Ubos niini nga inisyatiba, ang mga kwalipikadong beneficiaries makapalit na og bugas sa tag-₱20 lamang matag kilo.
Ang maong programa abli alang sa mga sakop sa 4P’s, Senior Citizens, PWD, solo parents, mga drayber sa multicab ug motorela, DepEd personnel, mga minimum wage earners, ingon man ang mga mag-uuma ug mangingisda nga rehistrado sa RSBSA.
Gipahinumdoman ang tanan nga buot mopalit nga gikinahanglan ang pagpakita sa ilang mga opisyal nga ID isip rekisito sa programa.
Gilimitahan lamang sa 10 ka kilo matag tawo ang mahimong mapalit aron masiguro nga daghan ang makapahimus sa barato nga bugas.
Gipatuman usab ang first-come, first-serve basis, hinungdan nga gidasig ang mga beneficiaries sa pag-adto og sayo sa nahisgutang venue samtang anaa pa ang suplay.