Angayan na nga butangan og taxi ang Malaybalay City, Bukidnon.
Kini ang gibutyag ni Mohamad Hajam D. Sarip, ang Chief Transportation Development Office sa Land Transportation Franchising and Regulatory Board (LTFRB), atol sa pakighinabi sa Bombo Radyo Malaybalay.
Matud pa ni Sarip, ang Malaybalay usa na ka highly urbanized nga siyudad ug paspas ang kalamboan niini, mao nga dako na ang panginahanglan sa dugang transportasyon sama sa taxi.
Dugang pa niini, kon madesisyunan sa lokal nga kagamhanan nga magbutang og taxi, kinahanglan nga magsumite og hangyo sa LTFRB alang sa pag-isyu og Certificate of Public Convenience (CPC) ug aron madetermina kon pila ka units ang ipaubay sa pilot run.
Gihisgutan usab ni Sarip nga ang umaabot nga pag-abli sa airport sa Don Carlos usa sa mga rason nga kinahanglan na gayod ang serbisyo sa taxi sa probinsya.