Bisan pa sa limitado nga pondo nga nagkantidad lamang og P1 milyon gipaningkamotan gihapon sa lokal nga panggamhanan sa lungsod sa Impasug-ong nga mahimong mabungahon ang selebrasyon sa 148th aldaw ta Impasugong karong umaabot nga Setyembre.
Sa eksklusibong pakighinabi sa Bombo Radyo Malaybalay, gibutyag ni Mayor Jetaime “Mai-Mai” Okinlay nga dako ang epekto sa kakuwang sa pondo sa mga kalihokan apan dili kini mahimong babag sa pagpadayon sa selebrasyon.
Gipasabot sa alkalde nga aduna gihapon silay giandam nga mga aktibidad nga makapahatag kalipay sa katawhan sa lungsod.Sa kantidad nga isa ka milyon alang sa selebrasyon ang katunga niini igahin para sa mga essential activities, samtang ang katunga padulong sa Rodeo ug uban pang kalihokan.
Kahinumduman nga ang gipropose nga Php8.2 milyones nga augmentation budget alang sa selebrasyon wala maaprobahan sa Sangguniang Bayan human kini gibabagan sa konseho.