Padayon nga mitaas ang ihap sa mga Overseas Filipino Workers (OFWs) nga nagpadayag sa ilang tinguha nga ma-repatriate ug makabalik sa Pilipinas tungod sa walay hunong nga kagubot tali sa Israel ug Iran.
Sumala ni Department of Migrant Workers Secretary Hans Leo Cacdac, miabot na sa 109 ka OFWs ang NAGTUMONG sa ilang KAGUSTUHAN nga mopauli sa Pilipinas.Matod sa kalihim, padayon ang paningkamot sa gobyerno sa Pilipinas sa paghatag og ground assistance sa mga apektadong Pilipino, lakip na ang pagtabang sa usa ka Pinay nga samaron ug karon nagpa alim sa balay tambalanan sa Israel.
Nahatagan na usab og tabang ang (14) ka Pilipino nga naapektuhan sa kagubot, samtang ang uban niini nagpabilin sa temporaryong puloy anan nga giandam sa ahensya.Mapasigarbuhong gipahibalo sa kalihim nga wala na’y bag-ong Pilipinong nasamdan bisan pa sa sunod-sunod nga mga pag-atake.Padayon usab ang koordinasyon sa tanang mga ahensyang may kalabutan sa maong isyu.
Aminado si Cacdac nga komplikado ang proseso sa repatriation tungod sa pagkaguba sa mga airspace ug mga limitasyon sa airport nga resulta sa giyera tali sa duha ka nasud.