Gihagit ni National Bureau of Investigation o NBI Director Attorney Melvin Matibag si Senate President Alan Peter Cayetano nga maoy unang magpasuspende sa pwesto ubos sa prinsipyo sa command responsibility. Ang maong pamahayag ni Matibag miguwas human usab nanawagan ang pipila ka mambabalaod nga i-suspende siya dungan sa gipakanaog nga preventive suspension sa Office of the Ombudsman batok kang Senate Sergeant-at-Arms Mao Aplasca tungod sa nahitabong pagpamusil sa Senado.
Matud ni Matibag, kon tulubagon sa pangulo ang hisgutan, ang namuno sa Senado (si Cayetano) mao gyud ang angay unang pakanaugan og suspensyon ug dili siya.
Bisan pa man niini, gipatin-aw sa opisyal nga andam siyang moatubang sa imbestigasyon ug iyang ipaubayan sa Department of Justice (DOJ)—partikular na sa Special Panel of Prosecutors—ang pagsusi sa tinuod nga dagan sa mga panghitabo, samtang hugot gihapon niyang gihimakak ang mga hungihong nga giatake ang Senado.