Magpahigayon og imbestigasyon ang House Blue Ribbon Committee batok sa mga palpak ug kontrobersyal nga proyekto sa goberno, ilabi na kadtong may pag-abuso sa pondo o kakulang sa kalidad ug implementasyon.
Gisugyot sa Chairperson sa komite nga si Rep. Joel Chua,nga ilang pagtan-awon ang mga proyekto nga nanginahanglan og dako nga pondo, apan wala mahuman sa saktong oras, o di kaha naguba dayon human iturn-over sa mga benepisyaryo.
Lakip sa mgatalan-awom mao ang mga road widening ug repair projects nga gipahigayon sa ubang probinsya apan gi-report nga walay klarong plano o dili standard ang materyales ang gigamit.
Mga eskwelahan ug health centers nga wala magamit gumikan sa depektibong pagkahimo, ug flood control projects nga napakyas sa ilang tumong, hinungdan sa pagbaha gihapon sa mga kritikal nga lugar.
Samtang gipangayo na karon sa komite ang mga kontrata, liquidation reports, ug audit findings gikan sa DPWH, DOH, ug uban pang ahensya nga nahilambigit sa mga proyekto.
Dugang pa ni Chua, dili kini pamulitika apan tinguha nga masiguro nga walay masayang nga pondo sa katawhan ug kinahanglan manubag ang wala magtuman sumala sa kasabutan.
Giduso usab niini nga ang mga kontraktor nga mapamatud-ang niabusar o wala motuman sa ilang obligasyon mahimong blacklisted sa tanang future government projects.
Ang imbestigasyon magsugod sunod bulan, ug dayag kini sa publiko ug media aron sa bug-os nga kasayuran sa tanan.