Gibutyag nga dili kontento ang mga agrarian reform beneficiaries sa gipahigayon nga diyalogo sa Department of Agrarian Reform (DAR) niadtong miaging adlaw sa Malaybalay City tungod sa isyu sa kakulangan sa gidak-on sa yutang gihatag kanila.
Matod pa ni Atty. Cecilio Salem, legal officer sa mga mag-uuma sa Purok 4, Aglayan, giingon niyang daghan sa beneficiaries ang misupak sa pagdawat og 1.2 ka ektarya tungod kay 1.9 ka ektarya ang aktuwal nga ilang yuta sukad pa niadtong 1983. Nagsugod ang problema human gisudlan sa maong luna ang opisina ug mga trabahante sa usa ka kompanya nga wala na nagpadagan.
Samtang gibutyag usab ni Jamall G. Pangandaman, Provincial Agrarian Reform Program Officer II sa DAR Bukidnon, mahimo nilang madawat ang tibuok 1.9 ka ektarya kon paboran sa korte ang ilang apela, apan giawhag una niya ang beneficiaries nga magpa-install sa 1.2 ka ektarya samtang naghulat sa desisyon.