HomeLocal NewsPanagbulag sa karelasyon, posibleng motibo paglayat sa usa ka lalaki sa tulay...

Panagbulag sa karelasyon, posibleng motibo paglayat sa usa ka lalaki sa tulay sa Impasug-ong

- Advertisement -

Gikuha na sa pamilya niini ang patay’ng lawas sa usa ka lalaki human kini milayat gikan sa usa ka tulay sa lungsod sa Impasug-ong, Bukidnon. Matud sa kapulisan sa Impasug-ong Municipal Police Station, sa pagkakaron usa sa gitudlong anggulong gitan-aw sa paghunos sa kinabuhi niini mao ang iyang panagbulag sa karelasyon niini.

Kahinumduman nga nahitabo ang insidente pasado alas 3:40 sa hapon kagahapon, Nobyembre 16, 2026, sa Atugan Bridge, daplin sa Sayre Highway, Barangay Capitan Bayong. Base sa report sa Bukidnon Police Provincial Office, nagpahigayon og traffic control operation ang mga personnel sa 1st Provincial Mobile Force Company (PMFC) sa maong tulay tungod sa pag-agi sa dagkong mga sakyanan dihang ilang namatikdan ang 28-anyos nga lalaki nga naglakaw sa tulay.

Apan pag-abot niini sa tunga-tungang bahin sa tulay, kalit kining milayat ngadto sa ubos. Ang biktima lumulupyo matud pa sa Purok 1, Poblacion, Libungan, North Cotabato.

- Advertisement -

Sa pakighinabi sa Bombo Radyo Malaybalay sa pipila ka mga personhe sa usa ka punerarya diin kadyot gipahimutang ang lawas niini, kadlawon pa lamang giadto sa pamilya niini aron iuli sa ilang lugar ug gani gikataho nga wala pa kini gibalsama ug tingala didto na kini ipahigayon sa North Cotabato.

Sa pikas bahin, gikatahong nakaangkon og grabeng kadaot sa lawas lakip na sa ulo niini ang biktima nga hinungdan sa hinanaling kamatayon niini.

Kahinumduman nga gibutyag sa kanhing klasmet ug higala sa biktima nga si Reynan Doce, kaniadto silang nagdungan sa pagtuon sa pilosopiya isip mga seminarista, apan gihangyo niini ang publiko nga dili magdali-dali sa paghukom sa namatay ug sa iyang pamilya pinaagi sa mga komentaryo sa social media.

- Advertisement -
RELATED ARTICLES
- Advertisment -

MORE NEWS