Gianghimakak ni kanhi Senador Manny Villar, ang tsirman sa Villar Group, ang mga alegasyon nga gipasaka batok sa Villar Land Holdings Corp. mahitungod sa giingong “market manipulation” ug “insider trading.”
Sa pamahayag ni Villar kining adlawa, Martes, Pebrero 3, iyang gipaniguro nga limpyo ug subay sa balaod ang tanang operasyon sa ilang kompanya. Matud pa niya, andam sila nga tubagon ang mga reklamo sa higayon nga madawat na nila ang pormal nga kopya sa “criminal complaint” nga gipasaka sa Securities and Exchange Commission (SEC) ngadto sa Department of Justice (DOJ).
Nasayran nga ang maong kaso nag-ugat sa kontrobersyal nga “land revaluation” sa kompanya nga miresulta sa kalit nga pagsaka sa ilang assets ug income sa miaging tuig. Gawas kang Manny Villar, lakip usab sa gipakasalan og reklamo ang iyang pamilya ug uban pang opisyal sa Villar Land.