Ipadayon sa grupo sa mga mamumuo ang pagsugyot ngadto sa gobyerno sa Pilipinas sa usbaw sa minimum wage sa 2026 tungod sa kakulang sa pasweldo ug sa nagkataas nga inflation rate sa nasud.
Sa eksklusibong pakighinabi sa Bombo Radyo Malaybalay kay Nick Borja, usa ka consultant, nga pinaagi sa pagsugyot sa dugang P200 nga suhulan across the board sa sunod tuig makatabang kini sa mga trabahante nga madugangan ang ilang kita ug mapalambo ang panginabuhi.
Gidugang pa niini nga dako kaayo kini nga tabang alang sa mga ordinaryong empleyado nga nagantos tungod sa ubos nga suholan ug taas nga gasto sa pang-adlaw adlaw.Sa laing bahin, dili malipayon ang daghang trabahante karong umaabot nga Kapaskuhan tungod sa kakulang sa insaktong benepisyo sama sa bonus, 13th month pay ug uban pa.
Matud pa Borja, kung kulang ang nadawat nga benepisyo, ang mga empleyado puwede mudangop sa DOLE ug isumbong ang mga irregularidad aron maprotektahan ang ilang katungod.
Gihangyo sa grupo sa mamumuo ang gobyerno ug mga employer nga tutukan ang insaktong suhol ug benepisyo aron mapalig-on ang panginabuhi sa mga trabahante ug malikayan ang kahimtang nga dili malipay ang mga empleyado sa hinapos sa tuig.