Napatay sa usa ka militar nga operasyon sa Estados Unidos si Hector Rusthenford Guerrero Flores, o mas nailhan nga “Niño Guerrero,” ang lider sa Venezuelan prison gang nga Tren de Aragua, sumala sa gipahibalo ni U.S. President Donald Trump.
Matud ni Trump, gipahigayon sa U.S. Southern Command ang usa ka dali ug koordinadong opensiba uban sa kooperasyon sa mga otoridad sa Venezuela aron targeton si Guerrero.
Gikumpirma usab ni U.S. Defense Secretary Pete Hegseth nga namatay si Guerrero atol sa maong operasyon.
Samtang, giingon sa Information Ministry sa Venezuela nga adunay nahitabong engkwentro tali sa mga pwersa sa seguridad ug mga miyembro sa kriminal nga grupo sa estado sa Bolívar, diin napatay ang lider sa gang pinaagi sa operasyon nga gisuportahan sa intelligence sharing ug espesyal nga teknolohiya gikan sa duha ka nasud.
Dugay nang gipahamtangan sa Estados Unidos og mga sanctions si Guerrero ug uban pang mga lider sa Tren de Aragua tungod sa giingong kalambigitan sa drug smuggling, human trafficking ug money laundering. Giklasipikar usab sa U.S. State Department ang maong grupo isip usa ka foreign terrorist organization.