Liboan ka mga raliyesta ang nagtapok sa Manipur, India isip timaan-an sa ikatulong tuig sukad nibuto ang bayolenteng panagsumpaki tali sa mga grupong Meitei ug Kuki-Zo niadtong Mayo 2023.
Ang maong panagbangi nagsugod tungod sa panag-ilog sa yuta ug gahum sa politika nga miresulta sa grabeng kagubot sa maong dapit.
Subay sa pinakabag-ong rekord, moabot na sa hapit 260 ka tawo ang namatay tungod sa walay hunong nga tensyon tali sa duha ka kampo.
Gawas sa mga nakabsan sa kinabuhi, gibana-banaang anaa sa 60,000 ka mga lumulupyo ang napugos sa pagbiya sa ilang mga panimalay ug nagpabilin nga nakahikling sa mga evacuation facilities hangtud karon.
Ang mga nagprotesta nanawagan og hustisya alang sa mga biktima ug paspas nga aksyon gikan sa gobyerno aron mahunong na ang kagubot.
Nagpabilin nga taas ang tensyon sa maong estado samtang gihandom sa mga residente ang pait nga sinugdanan sa maong krisis tulo ka tuig na ang milabay.
Ang maong lihok-protesta nagpakita lamang nga wala pa hingpit nga nahatagan og solusyon ang lawom nga panagdumot tali sa mayoriya ug minoriya nga komunidad sa Manipur, India.