Mikabat sa tulo ka tawo ang namatay human sa gidudahang outbreak sa Hantavirus sulod sa cruise ship nga MV Hondius samtang naglawig sa Atlantic Ocean.
Apan sigon sa World Health Organization (WHO), usa pa lamang ang kumpirmadong patay samtang lima pa ang giimbestigahan, lakip ang usa ka 69-anyos nga British national nga anaa sa intensive care sa South Africa.
Ang maong sakit, nga kasagaran makuha gikan sa ihi o hugaw sa ilaga, miigo sa mga pasahero samtang ang barko nagbiyahe gikan sa Argentina paingon sa Cape Verde.
Lakip sa mga nakabsan sa kinabuhi mao ang usa ka magtiayong Dutch national, diin ang bana namatay sulod sa barko samtang ang asawa nakabsan sa ospital sa Johannesburg.
Sa pagkakaron, ang ikatulo nga biktima nagpabilin pa sa barko samtang gihikay ang posibleng isolation sa uban pang mga pasyente didto sa Cape Verde.
Ang WHO padayon nga nakig-alayon sa mga nasod nga hingtungdan alang sa medical evacuation ug pag-assess sa risgo sa panglawas sa tanang sakay sa barko.