Gidepensahan sa usa ka legal expert ang pagdumala ni Senate presiding officer Francis “Chiz” Escudero sa Senado , diin iyang gipasabot nga ang pagsalikway sa mga pagsaway batok sa liderato sa senador gibase sa mga lig-on nga rason ug sa nanggawas nga desisyon sa Korte Suprema.
Sa pakighinabi sa Bombo Radyo Malaybalay kang Atty. Oscar S. Moreno, usa ka law professor ug corporate lawyer—gipahayag niini nga si Escudero gipili sa mayorya sa mga senador aron magsisilbing presiding officer sa hawanan.
Gidayeg usab ni Moreno ang gihimo ni Escudero nga pagtabok sa pikas bahin o “crossing the aisle” pipila ka bulan ang nakalabay, diin iyang gipahayag nga nakatabang kini aron mapugngan ang komplikado nga sitwasyon sulod sa Senado taliwala sa mga isyu bahin sa kon kinsa ang matuod nga mayorya.