Nagpadayon pa sa pagpili ang NBA superstar nga i LeBron James sa posibleng padulngan nga koponan human kini misulod sa free agency.
Kapin na sa duha ka semana ang milabay sukad nga opisyal nga mibiya sa Los Angeles Lakers, apan wala pa gihapon niini gipahibalo kung asa niya ipadayon ang iyang karera sa NBA.
Sa unang pagpakita sa publiko human sa pagbiya sa Lakers, gipangutana si LeBron kung nakadesisyon na ba siya sa iyang bag-ong koponan.
Wala kini direktang mitubag, apan mipasabot lamang nga hapit na mahibal-an sa publiko ang iyang pinal nga desisyon.
Daghang koponan sa NBA ang nagpahayag og interes nga makuha ang serbisyo sa 4-time NBA champion, lakip ang Cleveland Cavaliers ug Miami Heat nga kaniadto iyang gidala sa NBA Finals.
Lakip usab sa mga interesado ang Philadelphia 76ers, Golden State Warriors, Indiana Pacers, ug uban pang mga koponan.
Gipadayag ni LeBron nga bisan asa man siya mapadulong, andam siyang moangay sa sistema sa bag-ong koponan ug ihatag ang iyang labing maayo bisan pa sa iyang edad.