LIBONA, BUKIDNON – Sikop sa mga otoridad ang usa ka 28-anyos nga lalaki human kini masakpan sa akto nga nagpasiugda og ilegal nga numbers game o mas nailang “swertres” sa Sitio Tigbao, Barangay San Jose, lungsod sa Libona, niadtong Mayo 2.
Base sa report sa Libona Municipal Police Station, gilusad ang operasyon pasado alas-12:30 sa udto diin narekober gikan sa suspek ang nagkadaiyang ebidensya. Lakip sa mga nasakmit ang mga improvised bet slips, bet stab receipts, ug kantidad nga kuwarta nga gituohang halin sa ilegal nga pusta.
Nakuha usab gikan sa posisyon sa dinakpan ang mga blankong bet stabs ug bolpen nga gigamit sa iyang operasyon. Sa pagkakaron, ang suspek anaa na sa kustodiya sa kapulisan alang sa dokumentasyon ug pagpasaka og tukmang kaso kalabot sa paglapas sa balaod batok sa ilegal nga sugal.