Tungod sa ka desperado makakita og trabaho, ang usa ka lalaki sa Russia nagpapriso nalang aron mabuhi ang kaugalingon.
Kini ang gibuhat ni alyas “Oleg” nga gikan sa Bashkortostan, Russia diin nagmalampusong kining nagpariso tungod kay naglisod kini sa pagpangita og trabaho aron ikapakaon sa kaugalingon.
Gikatahong nakaserbisyo sa military si Oleghuman mi-gradwar sa high school diin misuway kini sa pagpangaply sa trabaho sa Ufa City apan napakyas kini hinungdan sa iyang desisyon nga manghulga nga adunay bomba sa pipila ka mga establisyemento aron ibalhog sa prisohan.
Una niya kining gisuwayan sa usa ka hotel ug terminal sa Ufa airport.
Nasuta sa mga security nga walay bomba nga gidala si Oleg sa iyang backpack ug miangkon kini nga iyang gibuhat ang hulga aron mapriso.
Gani ipailawom kini siya og psychiatric evaluation ug nasuta nga anaa sa saktong pangisip si Oleg hinungdan nga natuman iyang gusto nga ibalhog sa prisohan sa pag-atubang og tulo ka tuig ug duha ka buwan sa penal colony.