Tungod sa dayag nga korapsyon sa gobyerno ug sa padayon nga pagsaka sa presyo sa mga palaliton iplano sa mga grupo sa mamumuo nga eduso pagbalik sa sunod tuig ang wage increase alang sa mga trabahante sa nasud.
Sa eksklusibong pakighinabi sa Bombo Radyo Malaybalay kay Nick Borja, usa ka consultant, nga gitinguhang ipasaka pag-usab ang suholan sa 2026 aron matabangan ang mga mamumuo nga padayon naglisod tungod sa ubos nga sweldo ug taas nga gasto sa mga panaliton.
Matod ni Borja, usa sa hinungdan sa kalisod sa mga trabahante mao ang korapsyon sa gobyerno nga naglangkob sa mga proyekto nga adunay iregularidad ug dili makatabang direkta sa mga mamumuo.Dugang pa nga tungod niini, daghang mga negosyante ang nagpabiling ubos ang pasweldo sa ilang mga trabahante.
Gipasabot pa ni Borja nga dako ang diperensya sa minimum wage tali sa National Capital Region nga adunay ₱695 ug sa Rehiyon 10 nga ₱461 lamang nga adunay deperensyang ₱234.Tungod niini, plano sa mga grupo sa mga mamumuo nga magpasa og bag-ong sugyot-balaodnon alang sa national wage increase across the board aron pmapareho ang suholan sa tanang rehiyon.
Kahinomduman nga sa ikaduhang kwarter ning tuiga, gituki na sa Senado ang posibilidad sa pagtaas sa minimum wage apan wala kini mahuman ug napasa nga balaod hangtod karon