Gibutyag sa inahan ni Kobe Paras nga si Jackie Forster ang isyu bahin sa anak niini ug sa iyang ex-girlfriend nga si Kyline Alcantara.
Sumala ni Jackie, nga dili cheating apan disrespect ang hinungdan sa panagbuwag sa duha.
Dugang pa niini, buot matud pa nila nga magpabiling magpakahilom isip usa ka pamilya, apan hilabihan matud ang sitwasyon gumikan sa walay klaro nga akusasyon batok sa anak niining si Kobe Paras.
Sigon niini, nga nagsugod ang problema sa duha human sa ilang US trip niadtong Enero ning tuiga, diin si Kobe nakasinati matud pa og ngil-ad nga pagtrato gikan sa pamilya ni Kyline, lagmit ang ginikanan niini.
Dugang pa nga bisan sa dili maayong kasinatian ni Paras naningkamot matud pa gihapon kining ayohon ang ilang relasyon.
Dugang pa ni Jackie, pagkahuman sa pagbiya ni Kobe sa balay ni Kyline, nangayo pa og pasaylo si Kyline ug ang iyang pamilya aron mubalik kini.
Gikasubo sab ni Jackie ang padayon pa nga pagpost online sa kampo ni Kyline batok kang Kobe rason nga makaguba sa imahe niini.
Saysay niini, nakasinati matud pa og pisikal nga pagpanakit si Kobe gikan kang Kyline. Buot lang iklaro niini, nga dili tinuod ang pasangil nga nangluib si Kobe.
Miluwat kini nga aduna silay ebidensya, apan dili na angay pa ipagawas ug nanghinaot kini nga dili na mosangpot sa maong panghitabo.