Klyuchevskoy volcano  sa Russia, aktibo pag-usab human sa linog

Nagsugod sa pag-aktibo  ang Klyuchevskoy Volcano sa Kamchatka Peninsula human sa kusog nga linog nga miigo sa Russia.

Matud sa Russian Academy of Sciences’ United Geophysical Service, ang bulkan mibuga og abo ug lava pipila ka oras human sa maong linog.

Nahimutang ang bulkan mga 450 kilometro sa amihanan sa Petropavlovsk-Kamchatsky.

Ang Klyuchevskoy Volcano usa sa mga pinakataas nga bulkan sa tibuok kalibutan.

Kahinumduman nga mitay-og ang magnitude 8.8 nga linog nga  miigo sa Kamchatka region, nga miguba sa daghang mga building ug pipila ka residente ang nasamdan sa maong insedente, apan wala’y natala nga namatay.

Tungod sa kakusog sa maong linog, gipataas ang tsunami warning sa daghang parte sa kalibutan.