Roll back sa presyo sa lana gilauman sunod semana- DOE 

Gilauman ang dakong rollback sa presyo sa lana sa sunod nga semana.

Matud pa  sa Department of Energy (DOE), posibleng mokunhod og P13 hangtod P15 kada litro ang diesel ug P1 hangtod P2 sa gasolina.

Kini tungod sa pag-ubos sa Mean of Platts Singapore (MOPS) o ang presyo sa lana sa merkado sa kalibutan.

Dungan niini, gitun-an na sa kagamhanan ang pagsuspinde sa excise tax sa petrolyo samtang gipasalig sa DOE nga adunay igong suplay ang nasod nga molungtad og 51 ka adlaw.

Gawas sa rollback, mahimong moabot sa P30 kada litro ang kinatibuk-ang bawas sa diesel alang sa mga tsuper sa jeep ug UV Express kon malakip ang P10 nga fuel subsidy nga ihatag sa 52 ka gasolinahan sa Metro Manila.