Gibutyag sa usa ka kaabag sa negosyo sa Kaamulan Festival nga adunay pagkunhod sa kita sa mga negosyante karong tuiga.
Matud ni Mario Dubliano, mas ubos ang ang kita sa ilang mga tinda tandi sa milabayng tuig.
Gipaambit usab niini nga medyo dako ang deperensya sa kitaan ilabi na usab sdako ang abang sa yuta gawas sa mismong gitukod nga payag alang sa mga paninda o produkto.
Sumala sa iyang nahibaluan, miabot lamang sa kapin kon minus 50,000 pesos ang reta sa sa yuta karun wala pa niini labot ang stall fee.
Gidugang pa ni Dubliano nga dako ang kalainan sa dagan sa negosyo karon tungod kay kaniadto, sa pasgsugod pa lamang sa festival, mamatikdan na ang paspas nga pagsulod sa kita kaniadto, dili sama karon nga hinay ang dagan sa halin sa ilang pwesto.
Dugang pa ni Dubliano, namatikdan niya nga dako na ang kausaban sa pamatasan sa mga tawo karon kon itandi sa milabayng mga katuigan.
Matud niini, mas gipili na sa mga bisita sa Capitol ang pagdala og kaugalingong balon imbes nga mopalit og pagkaon sa mga pwesto sa festival.
Gisaysay niini, nga bisan tuod og aduna pay kapasidad ang mga tawo sa paggasto, limitado na lamang kini sa mga meryenda o snacks.
Ang pagkamahal sa mga palaliton karon ang iyang nakitang rason kon nganong mas gipili sa kadaghanan ang pagbalon og kan-on ug sud-an aron makadaginot sa ilang paglaag alang sa pagsaki sa maong selebrasyon.