Nasakmit ang kapin sa P34,000 nga kantidad sa gidudahang shabu samtang tumba sa gikasang buy-bust operation ang duha ka giilang drug personality sa Purok 5, Barangay Pat-pat, Malaybalay City, niadtong Martes, Hunyo 9.
Sa hiniusang pwersa sa Malaybalay City Police Station ug PDEA, malampusong nasikop ang duha ka mga suspetsado human makuhaan og mutimbang sa kapin 5 gramos nga gidudahang shabu, lakip na ang gigamit nga buy-bust money ug uban pang mga ebidensya.
Kasamtangang nagtingkagol na sa selda sa Malaybalay CPS ang mga dinakpan alang sa hustong disposisyon samtang dinalian nang gipadala ngadto sa Provincial Forensic Unit ang mga nasakmit nga ilegal nga droga alang sa confirmatory examination. Giandam na sa kapulisan ang bug-at nga kasong paglapas sa Republic Act 9165 o Comprehensive Dangerous Drugs Act of 2002 batok sa mga suspetsado.