Nagpagawas og bag-ong episode nga giulohan og “On Demand” ang sikat nga boy group ug gitawag og “Aces of P-pop” nga BGYO, isip timaan sa pagsugod sa bag-ong yugto sa ilang musical journey nga nagpakita sa ilang pagtubo isip mga artist ug performer.
Sumala sa gipaambit sa miyembro nga si Mikki, dugay na nila kining gipangandoy uban sa kauban nga si Nate niadto pang tuig 2024.
Gibutyag usab sa singer nga ang mga kanta sa maong EP—nga opisyal nga migawas niadtong Hunyo 4—dugay nang giandam ug maampingong giplanohan sa grupo ang saktong oras ug estratehiya sa pagpagawas niini.
Tungod niini, dili masukod ang kahinam sa grupo diin gipaambit usab nila ang ilang dakong pangandoy nga mailhan sa tibuok kalibotan pinaagi sa ilang mga kaugalingong kanta.